政壇：蔡燕玉賣樓奢侈稅乸脷
香港住宅物業交易有「額外印花稅」（簡稱SSD），台灣喺六月都開始實施奢侈稅，針對嘅對象包括房地產，尋日睇台灣媒體報道，自然美創辦人蔡燕玉（又叫蔡燕萍）早幾日因為短期持有喺台北市嘅豪宅「勤美璞真」，而要交奢侈稅，估計都要成三千萬（新台幣．下同），即大約七百六十萬港元！
根據資料，蔡燕玉持有嘅「勤美璞真」，發展商喺三月交樓，蔡燕玉就喺十月已經過戶畀其他人，由於持有未夠一年，所以根據規定，就要畀售價15%嘅奢侈稅，有地產人士推算，若以一個單位兩億（約五千一百萬港元）計，奢侈稅就要成三千萬！
