SUN世代:恩師教路:學懂尊重食物

幸運女神只會眷顧持續努力的人,Ricky一生為廚藝努力,其命運的旅途中又遇上很多伯樂,不但豐富其煮食夢,更鋪平他日後的路:「我好好彩,我嘅一生遇到好多好師傅,學咗好多嘢,令我以後條路容易行好多!」

其中恩師Paul de Ruyter更成就了他,不但給他很多機會,還教曉他有系統地煮嘢食,成為一個全面的廚師:「酒店嘅廚師分工好精細,扒房、主菜、甜品、頭盤都各有各做,但Paul教我由麵包、頭盤、主菜、甜品都要一手包辦,以後我煮菜就會順手好多!」

曾在不同的酒店工作,Ricky的廚師生涯亦跟過不同國籍的總廚學習,有法國、德國、英國、澳洲及意大利等,他用心學習,即使放工也相約「師傅」摸酒杯底分享入廚心得,其中一個法國籍總廚對他影響甚深:「佢教我尊重食物,確立我做廚師的宗旨,佢話哪怕係一條豆咁普通,都要將佢最好嘅一面表現出嚟,我哋依賴食物維生,如果我哋善待佢,一定會有回報!」

「Money18免費即秒股票報價網站」現推出8升級功能,財經資訊,實時實發!

Ricky努力鑽研西菜,閒時最愛閱讀不同的菜譜。

Ricky(左)與員工相處融洽,十分老友。

Ricky用心煮出每道菜,透過食物傳遞快樂。