政壇：陳強續睇好港樓市
內地房地產行業近日增長放緩，尋日喺沙田馬場見到廣東社團名譽會長、德強地產投資有限公司董事長陳強，佢話喺內地買樓要審慎啲，反而繼續睇好香港樓市。佢尋日同太太Shirley、二仔Terence賢翰、四女Bobo嘉慧一齊入馬場，原來佢前日趁住仔女喺外國放聖誕假返港，一家七口齊晒腳，去咗澳門睇格蘭披治大賽車，首次睇賽車嘅Bobo大呼過癮，而今次佢哋一家入馬場，係為咗幫剛滿十八歲嘅Bobo行成人禮。
Terence話佢最近跟爸爸入咗潮州商會，但只係普通會員啫，仲讀緊中文大學藝術系嘅佢話，畢咗業之後會更投入商會會務。
陳強（左起）同太太、細女嘉慧同細仔賢翰入馬場享受家庭樂。