SUN熱辣：觀塘海濱 花園淪廢墟

耗資近二千萬元的觀塘海濱花園，開幕僅一年多已七殘八缺。海濱花園最具吸引力的「燈光音樂匯演」水霧效果失靈逾月未見維修，卻又無張貼告示，令不少遊人「摸門釘」；另公園內大部分長廊的燈柱亦出現損毀，部分燈柱整支倒地，甚至連燈罩也不翼而飛。然而，康文署維修歎慢板，還死撐水霧效果並非損壞，只是電子時間掣失靈，影響噴出時間。

觀塘海濱花園第一期去年初啟用，巿民可飽覽維港景色，又有噴水霧效果的多用途廣場，配合燈光及音樂，是拍拖及拍攝勝地。多用途廣場每晚六時至十時，每隔半小時會放演「燈光音樂匯演」，廣場內塔樓燈飾，會隨着音樂而變色閃動，地面亦會噴出水霧，締造「夢幻」景色。

開幕一年七殘八缺

最近「夢幻」效果突然失色，原因是廣場內的水霧功能已停用。記者早前到觀塘海濱花園巡視，發現塔樓燈飾依舊於晚上六時亮燈，十分鐘後開始播放音樂，但無水霧噴出，現場有情侶更說：「好耐之前都有噴水，但最近唔知咩原因無咗，都好似無咗好耐啦！」

「等咗半個鐘都無噴霧，我問其他人，佢哋話好似半個鐘噴一次，點知等極都係無，又沒有貼損壞告示，搞到我得個等字，真掃興！」專程到海濱花園欣賞的阿風批評，當局無貼出損壞告示，令遊人乘興而去，失望而回。記者巡查整個海濱花園，確實未見有任何損毀及維修告示。

另外，海濱花園內一條長約二百米、由木板鋪成的海濱長廊上逾三十支燈柱全部爛溶溶，大部分被綁上「危險」膠帶，約十支燈連燈罩也不翼而飛，只以白色膠袋包裹着，其中一支燈更被推倒地上。記者巡查亦看到不少夜青在海濱長廊內流連，有人更坐在燈柱上搖曳，估計燈柱「不堪一擊」倒下。

「班夜青成日喺凌晨兩、三點嚟搞破壞，踢爛晒啲嘢，浪費納稅人啲錢，管理員都唔巡得咁多！」消息人士表示，早前見大批夜青到上址流連及大肆破壞。至於水霧效果「消失」，消息人士則說：「一個月前壞咗，已向康文署匯報，政府做嘢係咁慢，要報上報，又要睇吓有無錢，都唔知幾時先維修？」

康文署死撐已維修

觀塘區議會主席陳振彬質疑當局甚少巡查及維修：「早前已收到消息話匯演嘅噴霧效果已損壞，但唔知點解康文署無維修，唔應該等咁耐！」

康文署發言人表示，海濱花園斥資一千九百六十萬元興建，強調多用途廣場的水霧效果並非損壞，只是控制噴水的電子時間掣失靈，上月十六日巡查發現後已即時跟進。另外，由於燈柱損壞數目較多，工程部門需從海外訂購更多配件以便更換，預計可於下月中旬完成餘下的維修工程。

雖然康文署堅稱本周初已完成更換電子時間掣組件的維修工程，水霧效果及自動燈光匯演已修復。但記者近日巡視海濱花園，發現無水霧噴出，懷疑當局隱瞞維修進度。