政壇：政商定格：名人青銅像聚「首」酒窖
舊年捲入平價租地風波嘅Crown Wine Cellars酒窖，經重新招標同裝修後，尋日重新開張，仲將場地借畀富豪趙世光千金趙式和舉行「名人銅像展」。老闆兼美國商會前主席詹康信話，新租金大幅上漲，但佢志在支持品酒文化同藝術發展，實行「以酒會友」，冇錢賺都會照租喎！
英國藝術家Bryan Ellery尋日訪港，帶嚟十二尊從未公開露面嘅青銅像，包括趙世光、《上海灘》創辦人鄧永鏘，仲有詹康信太太Sally Thompson。呢批銅像頭本來由客人各自收藏，為支持展覽，破天荒聚「首」一堂，唔少藝術愛好者聞風而至。銅像展一連十日喺港島南區深水灣徑Crown Wine Cellars展出，之後就會物歸原主。
詹康信夫婦喺銅像前扮鬼扮馬留影，認真風趣。
藝術家Bryan Ellery（右二）首次搞大型銅像展，搞手趙式和（右一）同李桂蘭夫婦（左二及一）齊撐場。