政壇：政商定格：美聯黃靜怡設計勵志袖鈕
一年一度嘅美聯集團盃賽馬日喺下月十七號開鑼，一如以往，美聯會請好多名人出席，到時邊睇賽馬、邊論樓市。每年嘅美聯盃，另一吸引之處係限量禮品，美聯副主席兼副董事總經理黃靜怡，今次已經係第三度為賽馬日設計精品，係一款限量版「純銀白馬雕刻虎眼石袖口鈕」，送畀出席嘉賓。
佢話今次紀念品以虎眼石襯托純銀白馬，係代表無窮嘅生命力以及堅毅不屈嘅勇氣，盡顯王者氣派；同時寓意面對樓市起伏，集團精英有堅毅不屈嘅精神，亦係香港嘅精神所在，無論經濟好壞都努力拚搏，希望借袖口鈕向客戶同市民傳遞呢個精神。
黃靜怡話「純銀白馬雕刻虎眼石袖口鈕」代表無窮嘅生命力同堅毅不屈嘅勇氣。