政壇：楊孝華半途殺出選特首？
當唐唐同CY梁振英尋日分別宣布將喺月底宣布參選特首選舉之際，忽然又殺出另一位疑似特首候選人，佢就係立法會前旅遊界議員Howard楊孝華嘞。
之所以有選特首嘅聯想，係因為Howard嘅宣傳單張大大隻字寫住「我參選」同埋「選特首」，但中間就夾住個「去」字，即係佢參選選委去選特首咁解，加上單張上仲寫住「I am running」，驟眼睇真係以為佢去選特首。
另外，社福界嘅「怒火七星」就製作咗本精美嘅「社工秘笈」，高呼「助人難自助，社工需十卜」；另一個有份參選嘅「社福動力」就大打政治牌，話社福界唔一定要係泛民嘅票倉，聲稱好唔甘心社福界嘅民意被騎劫，先至出來參選喎！
其實楊孝華係參選旅遊界選委，但就設計咗張疑似參選特首嘅單張。