報案前拍照證差人唔老實

【本報訊】「差人唔老實！」銀包失而復得的姓郭大專女生，前晚在本報記者協助下，由荔枝角到天水圍，當面感謝拾金不昧的姓劉九巴車長，「你真係好人，好好心！」至於離奇失鈔事件，他們對於警方「攝住睇唔到」的解釋存疑，均認為警方不老實。

美少女熱情握手謝車長

前晚郭女親身前往天水圍天悅邨，感謝劉姓九巴車長，兩人甫見面，郭女主動趨前與劉握手，並語帶感激地說：「你真係好人，好好心！」劉則一臉靦覥說：「唔使客氣！」劉表示，拾獲銀包當日，他曾打開銀包拍照，「明明打開就見到百七蚊！」他將拍下銀包的照片交給郭女觀看，建議郭女將領回的紙幣與相中紙幣對一對，「相入面紙幣係中銀印嘅，如果佢畀番你嘅係滙豐嘅，咁就肯定有問題啦！」

郭女表示，領回的紙幣「已經用咗」，無法對證，並透露領回失物時，「八達通與銀包係分開裝o架！」劉回應，「可能有人連你張八達通都想攞埋，見到係個人八達通先唔攞！」劉當九巴車長十個月，他表示事發時正在上班，如果喺巴士站內檢獲銀包，他會交給站長處理，但銀包是在巴士站外的公眾地方拾獲，所以親自交往警署。