金融界近期真係喜事多，最新一單嘅主角係瑞銀亞洲股票衍生產品銷售部董事總經理于正人，佢將喺下月初同拍拖多年嘅女朋友結束愛情長跑，共諧連理。
于正人揀正喺同未來老婆拍拖紀念日完婚，籌備婚禮時有段小插曲。今年三月，佢去日本旅行兼順道物色婚禮地點，點知幾日後就發生311大地震。之後佢就諗住去泰國舉行婚禮，點知近期又撞正當地水災。不過，皇天不負有心人，上天眷顧一對情人，佢即刻將婚禮改行「PLAN B」，喺短時間內book咗香港淺水灣酒店舉行婚禮。