政壇：CY：欽點特首講法侮辱選委
對於今次特首選舉，不時有人推測「阿爺」嘅諗法，又話有欽點，未必係真正嘅選舉。CY梁振英尋日黃昏出席安溪同鄉會就職禮時，專登放話表示明年特首選舉係比併能力、理念、政綱，唔係選自己朋友。CY仲話選委咁踴躍參選，證明佢哋好重視手中一票，絕對有個人思想，如果呢個時候，仲有人話中央已經欽點人選，只係做場戲畀大家睇，咁講法真係侮辱咗千二名選委，當班選委無到，簡直係陷中央於不義。
至於唐唐，就喺蘭桂坊同富貴黨青年對話，佢以利賓納代酒，費事畀人當選舉宣傳開支。期間唐唐亦暗批CY，話行政會議成員應該同政府上下一心、同心協力。
唐唐尋日以利賓納代酒。
CY話欽點呢個講法，係侮辱咗千二名選委。