政壇：名人聚中環豪歎白松露
城中名人日前齊集中環高級餐廳豪歎白松露菜式，又舉行「第13屆阿爾巴白松露拍賣會」，拍賣所得嘅善款將撥捐「成長希望基金會」，基金會顧問兼美國商會前主席詹康信即場以逾百萬元投得「白松露王」。佢話，今次投得嘅白松露共重一點二五公斤，十分罕見，睇佢揸住白松露嘅樣真係陶醉兼幸福。
聞香而至嘅仲有「公職王」鄭慕智，佢話每季都會食番幾轉白松露，否則心情會囉囉孿喎。當晚共有六道菜式，分別由世界級大廚兼有「白松露之王」美譽嘅岑柏濤（Bombana）設計菜單，以日式、意式及粵式炮製驚喜。社交名人李桂蘭話，以白松露配雞蛋，餘韻之香，好比同愛人深情一吻。
詹康信投得白松露喜上眉梢。
白松露魅力沒法擋，李桂蘭（左）同鄭慕智（中）都聚頭歎一番。