正當未來三年削減三千個職位嘅裁員大行動拉開序幕,滙豐中高層已有四散之象,尋日又有中高層變動,曾經擔任滙豐亞太區個人理財業務及銷售主管、現任亞太區企業責任及可持續發展部總監區佩兒,突然離開獅子行,佢上禮拜一先拍住香港區一姐馮婉眉出席氣候變化商界首腦峰會,點知當時笑笑口嘅佢一個禮拜後就離任。
九月以嚟,香港見慣見熟嘅滙豐中高層至少走咗半打,最震撼市場嘅就係前香港區一哥馬凱博另謀高就,跳槽做貝萊德亞太區主席。
區佩兒