SUN世代：咖啡王子闖蕩拓商機

成功非僥倖，幸運之神只會眷顧努力不懈的人。湯國江出身基層家庭，於屋邨長大，曾是會考九A狀元，今天是太平洋咖啡（Pacific Coffee）行政總裁。這名商界奇才涉獵甚廣，做過財務顧問、房地產生意，又幫公司搞上市，縱使從幕後走到前線，咖啡生意同樣做得有聲有色。

當過半個運動員，湯國江自小鬥心特別強。父親是業餘乒乓球教練，他八、九歲就跟父親學打波，「之後入咗香港青年隊，放學就去受訓，練到八、九點先返屋企做功課、溫書，成個禮拜有四日都係咁。」經常出入競技場，但其學業成績依然名列前茅，因老師的一句說話，他決定專注學業。

「中三家長日，班主任同阿爸講：『你個仔成績都唔差，但唔會係最top……』聽咗有啲唔開心，覺得自己係咪可以做得更加好？」因為「好勝」、「唔輸得」，湯國江減少乒乓球訓練，「瞓身」讀書，最終會考奪得九A佳績，更獲獎學金出國留學。「其實好細個已經想出國讀書，但因為屋企負擔唔起。之後喺美國讀書嗰幾年，都冇用過屋企一毫子。」

親民CEO帶品牌進軍內地

湯國江十多年來轉戰多個工作崗位，每次與機會相遇時，他都懂得好好把握。二○○○年初，他與友人一同創業，雖然觸礁，卻發現內地商機無限，於是毅然勇闖內地，加入一間在無錫的半導體公司做融資，更在當地居住了五年，並遇上他的伯樂。

後來湯國江回港發展，因一則新聞、一封電郵，與這位伯樂重遇。「舊年睇到報道話舊老闆間公司有份收購呢間咖啡店，於是寫咗封電郵恭喜佢，仲開玩笑問佢拎張VIP卡，點知佢覆我話可以畀VIP卡更多嘅嘢我。」而湯國江本身是咖啡愛好者，每天至少飲一杯，加上多年來在商界的實戰，是行政總裁的不二之選。接手打理老品牌，這名新進CEO不願意高高在上，反與前線員工賣咖啡，「我叫佢哋當我普通員工咁，一齊做嘢就得o架喇！」

毫無架子的湯國江，不但深受員工歡迎，更帶領品牌進軍內地市場，「最初喺香港調配人手到內地，但發現唔太理想。當地人最熟悉當地事，之後就喺每一個大區，好似上海同北京，分別建立一個團隊。」

湯國江小檔案

現職： Pacific Coffee行政總裁

學歷： 美國賓夕法尼亞大學沃頓商學院財務學學士及

工程學院電子工程學學士畢業