政壇：FLASH on 巨型廣告現中環

東方報業集團出版嘅《FLASH on Weekly》時尚周刊已經一歲喇，為慶祝佢嘅一歲生日，中環安樂園大廈外牆出現咗《FLASH on Weekly》嘅巨型廣告，不知幾咁搶眼。最多名店聚集嘅中環、金鐘、銅鑼灣、尖沙咀等熱點，呢個月都會出現《FLASH on Weekly》大型戶外廣告牌，同時會喺巨型電視幕牆播放最新嘅宣傳片。

《FLASH on Weekly》每個禮拜都會為潮流女性搜羅最新嘅環球時裝、美容潮流、名人蹤影、文化藝術等品味資訊。周刊除咗逢禮拜四喺指定地區嘅便利店隨《東方日報》附送外，仲會喺包括銅鑼灣時代廣場、皇室堡、尖沙咀LCX、The One、K11等超過三百七十個熱點免費派發，供取閱同傳閱，喺中環、金鐘、銅鑼灣、尖沙咀等地方仲有人手派發添，而iPhone、iPad App同flash.on.cc都會同步發放o架！