SUN世代：借鑑教主「喬布斯係我偶像」

「教主」喬布斯走了，蘋果威力不減，iPhone 4S一出，各地即掀排隊搶購熱潮。身為蘋果忠實粉絲的Kenneth，當然無走寶，早在上月中已急不及待從美國入貨，他讚嘆喬布斯是偉大的科學家，自己亦會朝這位偶像的方向邁進。

「喬布斯係我偶像，佢係偉大嘅科學家，喺市場上做得好好，不止係研究科學，推銷都做得好成功。」Kenneth自○七年開始，就是蘋果產品的忠實粉絲，由iPod至iPhone，一直追隨。iPhone 4S剛在美國發售，他已火速將新機買到手，「喬布斯不斷畀大家驚喜，產品集好多功能於一身，簡單好易用，希望朝佢方向邁進。」

除了向偶像借鑑，Kenneth亦有其獨門妙法，找到工作靈感的泉源，「我好享受做運動，每朝都會游水半個鐘，來回三十個堂，好享受嗰一刻寧靜，好relax，諗到好多idea。」另外，熱愛音樂的他，年多前又成立iMusicWorld互動音樂世界，與大學、IVE等合辦比賽，以及與音樂創作人伍樂城的伯樂音樂學院舉辦音樂比賽，致力推廣音樂。