政壇：蒙德揚煮咖喱配鮮磨米
尋日沙田馬場舉行樂聲盃賽，信興集團副主席David蒙德揚請嚟靚仔日本精米師，即席教大家點樣用日本米煮出香軟綿滑嘅飯，仲做東請大家食獨門秘方「蒙氏咖喱」。佢話自己對米飯好講究，要食新鮮磨嘅米，貪佢米味夠香，但鮮磨米賞味期有限，最好食幾多買幾多，過咗期就唔好食喇。
鏞記酒家集團董事總經理Ronald甘琨禮即場試食精米師煮嘅飯，大讚外軟內滑，不過點好食，都唔夠以前元朗油粘米咁正。佢話油粘米嘅粒頭細，零舍有米味，如果用佢嚟配「蒙氏咖喱」就一流嘞。
精米師出口友洋（右）教大家用日本米煮出香軟綿滑嘅飯。
蒙德揚（右）話有幫襯日本精米師出口友洋（左）嘅日本米，新鮮好食。