政壇：何倍倩拓BB護膚品商機
「恒生新抱」何倍倩尋日透露出年將會喺事業上打拚，計劃將其代理嘅美國嬰兒護膚品牌Noodle & Boo擴張，同台灣嘅代理合作，邀請一位媽咪級嘅藝人擔任代言人，佢自言最欣賞小S（徐熙娣）嘅滑溜肌膚同林熙蕾嘅自信美貌。品牌嘅創辦人Christine Burger上周五來港，由何倍倩陪伴巡視香港業務，適逢當日是2011年11月11日，Christine一大清早就見到有三對新人結婚，令佢大惑不解，何倍倩話：「我同佢講因為嗰日係好日，所以咁多人結婚，我覺得依家香港真係多咗人結婚，亦多人生BB，BB護膚品有得發展。」佢話皮膚護理應從小開始，本身育有一子嘅佢，自小已為囝囝挑選品質良好嘅產品。
何倍倩覺得依家多咗人生，護膚品有得發展喎！