選委提名如火如荼，報咗名嘅人都小心翼翼，費事畀選舉事務處抽秤，兒科醫生李家仁已報咗名循醫學界選委參選，由於佢嘅《小明上廣州》紅爆，佢尋日去信提醒傳媒，希望暫時唔好再播佢嘅歌、錄影或者訪問等，費事違規喎。
小明點解咁小心﹖因為選委會選舉活動指引都寫明，候選人應該盡量避免喺節目亮相，小明驚住電視、電台播佢啲歌，畀人質疑係另類宣傳，所以惟有下狠手，要求「小明」暫別大家，暫時隱形一排穩陣啲。