隨着三三四學制明年喺大學推行，本地高教界亦進入風起雲湧時代，恒生管理學院尋日舉辦資訊日，校長崔康常現身力撐，有啲家長認出佢，帶埋仔女同佢合照，又揸住仔女成績單問佢有冇機會成為升級為私立大學嘅恒生學生，崔校長一一應付，不但冇校長架子，仲好似推銷員咁賣花讚花香。
崔校長話，經過擴建嘅恒生管理學院設施完備，面積仲比嶺南大學大兩倍，佢一輪嘴數咗啲校園設施，如綜合大樓、模擬銀行及交易所甚至學生宿舍等，佢愈講愈開心：「將來我哋直頭拍得住幾間大學o架！」
恒生管理學院校長崔康常尋日力撐資訊日，仲讚學院拍得住幾間大學。
