政壇：洪為民囝囝用老爺手機
iPhone 4S掀熱潮，身為IT人嘅菁英會主席洪為民（Witman）卻唔心急換機，打算遲啲先換，佢話IT嘅嘢好難無止境咁去追，更唔認同要刻意追上潮流，先證明自己係IT人。何況IT產品亦唔值得炒同收藏，因為呢啲產品唔似得二千年普洱茶咁貨源矜貴，冇咗就真係冇！
依家用緊iPhone 4嘅Witman又話，為咗唔想囝囝學業分心，依家都只係畀佢用一部冇得上網嘅非智能老爺手機，即係只可以打出打入已經夠用，如果真係要上網搵資料，大可返到屋企先上網。為人父母嘅都算用心良苦，只係唔知囝囝領略到幾多呢？
IT人洪為民依家仲用緊iPhone 4，無意心急更換iPhone 4S。