陳家偉鬼祟現身民主黨總部

【狙擊組、專案組報道】民主黨前總幹事陳家偉，今年七月被本報踢爆在尖沙咀香檳大廈鳳樓內「訪談」醜聞，馬上辭工兼退黨。他避世多月，近日本報發現他再次蒲頭，現身旺角民主黨總部，在記者追問下，他開腔重提「訪談」事件，直言太太受到事件影響，「唔係咁開心，需要多啲時間」，又語帶唏噓說：「影響嘅已經影響咗！」

本月一日下午五時，本報記者發現陳家偉現身旺角民主黨總部，身穿淺藍色外套的他，面容似乎未有因事件而憔悴，惟見到記者時仍有點錯愕，未有停下接受訪問，其後進入該處逗留個多小時才離開。

市民睹穿制服拉票

當陳家偉步出民主黨總部，方肯「企定定」與記者傾談，被問及其妻對「訪談」醜聞的反應時，他擰一擰頭說：「唔係咁開心，需要多啲時間。」至於事件對他有何影響，他則說：「影響嘅已經影響咗。」記者欲再問其感受，他說：「你想我講嘅嘢，我唔會講。」

至於是否到民主黨返工，他則稱：「唔係，係上去攞嘢。」再問其工作近況，答案模棱兩可，他說：「做自己嘢囉，（做生意定打工？）自己嘢囉。」他聲稱到民主黨總部只是將手提電腦交託舊同事維修，之後會到中文大學「搵資料」。雖然陳否認重返民主黨工作，不過，有市民向傳媒爆料，目擊他身穿民主黨的選舉宣傳制服，在油尖旺區助選拉票，說法惹人質疑。