鐵騎士撼燈柱斷頸死

【本報訊】辣車鐵騎士魂斷英雄亭！昨晚一名青年駕駛電單車，沿荃錦公路上斜時，在掟彎失控衝過對線狂撼燈柱，他如炮彈飛出十米外，當場頸骨折斷慘死，其家人到場認屍哭叫：「我都叫你唔好考（駕駛執照）o架啦，你係都要考……」聞者心酸。

兄姊到場哭別

死者二十餘歲，昨晚近八時，他駕駛辣車由石崗沿荃錦公路上山，駛向荃灣，當駛至近「英雄亭」越過一個「S」彎時，電單車突然失控向左剷過對面線，狂撼行人路邊一支燈柱。因撞擊力異常猛烈，人車即時分離，他飛拋十米外，彈回往荃灣方向行車線上，重傷倒臥血泊，奄奄一息，所戴開面頭盔飛脫，至於電單車則衝前二十多米翻側，其他途經駕車人士見發生車禍即報警。

救護員趕抵，檢查發現死者頸骨折斷，已經死亡，毋須送院。電單車車身損毀，燈柱旁地上遺有電單車因撞擊留下的機件碎片。據悉，他所駕電單車是向朋友借用。事發後，死者的兄長及胞姊到場認屍，場面淒酸。警方正調查肇事原因。