「鋼琴王子」李雲迪又開演奏會，今次只演一場，賀中國銀行明年一百歲生日。尋日佢出席記者會時，講起開騷就好high，但提到居港年資足夠領取政府派發六千蚊未，佢就一臉茫然話：「未有時間了解！」佢又話若果真係攞到，會捐出嚟支持環保喎。
佢喺○六年以首批優才身份進身港人之列，計落未夠七年攞到永久居民身份，所以唔夠資格攞六千蚊。不過，入境處發言人話如果李雲迪申請優才計劃前，以工作簽證身份居港，前後住夠七年嘅話，一樣可以攞六千蚊喎。
李雲迪以琴聲賀中國銀行一百歲生日。
