政壇：黎廣德敗選政途剝光豬
公文袋喺區議會選舉慘敗，但又死不認錯諉過於人，近日佢哋就有黨員喺網上發表公開信，炮轟該黨領導層，並點名要求黨魁袋巾傑、秘書長賴仁彪等問責下台。其實應該為今次區選大敗下台嘅，仲有喺區選中輸對手幾條街嘅公文袋副主席黎廣德，佢喺區選後已經卸任公共專業聯盟主席，嚟緊立法會選舉亦肯定凍過水，政途一鋪清袋。
黎廣德之前以為有望喺明年立會選舉叫三飛，包括工程界功能界別、港島區直選同超級區議會，但佢喺剛結束嘅南區海灣選舉中，以幾百票慘敗畀對手富貴黨馮仕耕，加上公文袋受外傭官司影響，喺港島多區大跌票，明年最多只可以保住陳淑莊嗰席，黎廣德插針都插唔入。