政壇：高靜芝長女搞藝術人形展

婦女事務委員會主席Sophia高靜芝兩位寶貝女都已學成返港發展。雖然兩個女都係讀美國麻省理工學院，但都有與生俱來嘅藝術細胞。長女盧怡瑋自細收藏藝術品，最近索性將佢至愛嘅藝術人形（Art Figure）發展為一盤生意，引入外國知名嘅藝術家作品來港，現正安排進駐尖沙咀K11購物藝術館展出。

日前喺一個場合見到Sophia，原來佢全家都好有藝術天分，老公好鍾意音樂，除咗大女自細鍾意收藏外，細女就決心向作曲家發展，同名師學緊作曲、編曲。佢仲話大女嘅收藏數量驚人，所以要租幾個倉畀愛女擺放至得。

「Money18免費即秒股票報價網站」現推出8升級功能，財經資訊，實時實發！

高靜芝（左二）一家四口幸福滿瀉，右二係長女盧怡瑋。