政壇：純官與眾同樂為員工加油
鄭裕彤家族呢排忙於安排周大福珠寶年底前上市，又要顧住新世界發展供股單嘢，之不過幾忙都好，唔可以忽略一班拍住上嘅員工，新世界集團最近就搞咗歷嚟第一個「新世界集團同樂日」。
咁歷史性嘅場合，又點少得佢哋嘅董事總經理鄭家純、執董鄭志剛、總經理陳觀展，仲有近二十多位主禮嘉賓一齊揭開序幕，佢哋用別開生面嘅形式主持「加油啟動儀式」，合力將能源注入新世界集團嘅標誌中，寓意為員工加油打氣。
純官話集團一直視員工為寶貴資產，除咗注重員工培訓外，亦重視建立和諧融洽嘅工作環境，幫助員工喺工作及生活之間取得平衡，今次希望透過同樂日，讓員工同其家人對集團嘅文化有更深入了解。
純官（左）啟動加油儀式，別開生面。