歐洲多國爆債務問題，令環球經濟蒙上陰影，唔少行業都擔心受影響，做開玉石生意嘅福建社團聯會副會長董吳玲玲就話，翡翠生意未受經濟增長放緩影響，因為玉石最緊要質素高，如果玉石質地好，又係不可多得嘅奇貨，一定有識貨嘅捧場客喎！
生意無憂，董太尋日就同老公董中浩，帶埋大仔及兩歲孫女Molly一齊入馬場耍樂，近排拉頭馬拉到手軟嘅董太又受幸運之神眷顧，佢同先生名下嘅愛駒「翡翠明星」尋日首次上陣就大熱跑出，帶挈主人袋咗三十八萬獎金，認真抵錫。
董太同丈夫名下愛駒「翡翠明星」大熱勝出，董太即落場拉頭馬。
董吳玲玲（左）尋日與丈夫董中浩入馬場湊熱鬧。
