政壇：林鄭丁屋企硬發叔口軟
鄉議局正同發展局商討點樣解決新界鄉村僭建問題，日前好打得嘅局長林鄭月娥高調反駁有疑似特首候選人，向鄉議局開出放寬村屋高度限制嘅選舉期票，又強調高過四層嘅嚴重僭建村屋一定會嚴厲執法哦。林鄭企硬，好多人都關注鄉議局嘅姿態，鄉局主席劉皇發尋日被問到件事時，即刻笑眯眯咁話：「咁我夠唔夠硬呀？」
發叔尋日現身馬場，講到林鄭日前態度好強硬時，佢笑笑口回應話：「林鄭好硬咩？咁我夠唔夠硬呀？」正當大家以為發叔係咪發出更強硬訊息時，發叔卻話鋒一轉，話慢慢傾一定傾得掂喎，咁即係唔會同林鄭鬥強硬喇。