3D技術製作想扮邊個都得

【本報訊】科技日新月異，易容並非難事。有專業化妝師直指，現時人皮面具仿真度極高，利用高科技3D技術製成的人皮面具，配合化妝，隨時「想扮邊個就邊個」。

橡膠貨駁位易穿崩

天域美容學院校長鄭紫薇表示，現時美國荷里活的專業化妝是利用發泡海綿倒模製成人皮面具，因物料輕薄及軟身，臉上的毛孔及膚色均與真人一樣，甚至連雀斑及微細血管也清晰可見。鄭稱，製成人皮面具後，化妝師可以按要求繪畫出不同人士的面貌：「到時想扮邊個都得！」不過，此類高質素的人皮面具動輒上萬元，加上化妝費高昂達二十萬元，相信普通人難以負擔。

鄭指，樹膠、橡膠及矽膠亦可製成人皮面具，但樹膠及橡膠的質料硬，效果較差。以記者購入的人皮面具為例，由橡膠製成，因質料較硬，駁位容易穿崩及不貼面，鼻樑位亦過高，故此需要修剪面具及利用化妝技術修補。

她表示，佩戴眼鏡、帽子及穿有領上衣也有助掩人耳目。鄭提醒市民此類面具透氣度不高，不宜長久戴上。

夜晚難辨真假

楊同學（交流生）：「唔擔心有人會買人皮面具去犯案，相信啲人買嚟玩吓，不過啲女仔就要小心防範。」

劉同學（學生）：「日頭都唔擔心嘅，望真啲都可以望到（戴上面具），街上又咁多人，但夜晚就難認啲。」

張先生（推廣）：「啲面具都呃得吓人，唔留心真係唔多覺，所以警察要留心啲，見到都應該查吓。」