City Parade：滿城善心
中大公共衞生及基層醫療學院早前舉行十周年慈善晚宴，城中名人、名醫齊撐場，大捐紅酒、珠寶、古董等拍賣，善款源源不絕，輕易籌得千萬元。另外，全新服裝鞋飾旗艦店Central隆重開業，喺中環中建大廈舉行開幕酒會，歌星陳慧琳送上親自設計嘅型格Clutch Bag做賀禮，籌得善款，將幫助弱勢兒童。
Kelly送「親生袋」
歌星陳慧琳（Kelly）親自設計限量版Clutch Bag做善事。
四美人扮靚講不停
名模琦琦（左一）、陳沛嘉（右一）與藝人陳霽平（左二）及時裝設計師丘雪祺（右二）齊交流換季扮靚心得。
榮文蔚秋冬裝入荷
名媛榮文蔚掃入唔少秋冬新裝。
邱詠麒情傾chain bag
富豪邱德根孫女邱詠麒對Chanel 2.55 chain bag情有獨鍾。
兩大院長合唱情歌冧客
中大醫學院院長霍泰輝（左）與港大醫學院前院長鄧惠瓊合唱《月亮代表我的心》。
何兆煒夫婦糖黐豆
醫管局前行政總裁何兆煒（左）同太太有影皆雙。
鄭海泉日日運動半粒鐘
中大校董會主席鄭海泉（左）退休後堅持每天做運動半小時，太太都讚佢有恒心。
瑪利諾校友好啱key
民政事務局前常秘李麗娟（左）同理文造紙太子女李文慧同屬瑪利諾舊生，分外投契。