SUN熱辣：憑氣味顏色辨雌雄生死
死蟹粉內地當道，北上港人進食要小心。本港有老字號的大閘蟹店指，一般只會挑選在運送過程中「斷手斷腳」的活蟹製作蟹粉，不會用死蟹，因為死蟹又腥又臭，根本不適合製造蟹粉。
在港出售大閘蟹的上海老三陽負責人祁小姐坦言，曾在內地見過疑用死蟹做的蟹粉，一般從氣味和蟹膏顏色可輕易分辨，「死蟹嘅蟹粉都有腥味，而雄性嘅蟹膏多數係白色，油分較重，雌性蟹膏會偏紅同較硬，如果發現蟹粉顏色太紅，好大機會加咗色素。」她提醒市民如發現蟹粉沒有一絲絲的肉質，則表示有機會是假貨，「我哋店舖都係用活蟹做蟹粉，有啲蟹運到嚟會斷咗腳，我哋就用呢啲蟹做蟹粉。」
不過，名廚周中表示，單從味道也難以分辨蟹粉是否由死蟹製成，「死蟹欠鮮味，但同埋其他嘢一齊煮，就好難分辨到。」
祁小姐表示，食客可從氣味、顏色及質感分辨活蟹及死蟹製成的蟹粉。