區選大日子聽日殺到，政黨同參選人都抓緊最後時間衝刺，不過，重出江湖喺黃大仙出戰嘅工聯會陳婉嫻就大戰當前冇有怕，一樣逍遙約老友聚一聚。
前日下午四點幾，嫻姐同一位女性朋友由太子大廈行去對面嘅酒店，送朋友搭車，嫻姐話，嗰位女士係佢喺政界師傅個女，兩人純粹出嚟聚吓、傾吓偈咁。區選當前，唔使忙拉票咩﹖嫻姐表現得好淡定，話有信心、亦會全力以赴，一切用平常心看待，睇佢心理狀態咁好，似乎對夾擊佢嘅人民力量任亮憲同白鴿黨林偉基唔太擔心噃！
大戰前夕，陳婉嫻約咗老友喺中環聚腳，跟住仲送對方搭車離開。
