政壇：新立會壞(車立) 議員陀陀擰
添馬艦新政府總部同立法會大樓趕工完成，好多小毛病慢慢浮現，立法會搬咗去添馬艦差不多一個月，尋日就發生壞(車立)事件，雖然有議員受影響，但就唔係困(車立)，而係佢哋自困(車立)。尋日內務委員會及財務委員會極速開完，有啲議員返上辦公室繼續做嘢，有啲就鬆人，選擇走嘅財委會主席劉慧卿、副主席劉秀成及專業會議議員石禮謙，咁啱三個人一齊入咗二樓中間嗰部，點知就撞正壞(車立)。
佢哋入(車立)後，道(車立)門開完又閂、閂完又開，來來回回十幾次，部停咗喺度，但三個議員都冇為意，到察覺嘅時候，先至面懵懵行番出嚟，都咪話唔好笑。
