區議會選舉在即，社民連尋日舉行巴士巡遊造勢，佢哋嘅立法會議員「長毛」梁國雄亦有到場，但赫然見到佢隻右腳跛吓跛吓，行得比平時慢幾倍不特止，仲要加埋支拐杖先行到。發生咗乜嘢事？佢話係舊患復發。
話說社民連架開篷巴士去到各選區時，車上所有成員全部落車為候選人打氣，唯獨長毛就耍手擰頭唔肯落車，話自己坐喺架車上面幫班兄弟嗌咪仲好。仲有六日就到區選，參選中西區區議會觀龍選區嘅長毛，如果要同建仔葉國謙打硬仗，睇嚟佢要快啲好番先至得喇。
梁國雄
