乜嘢係商場嘅致勝秘訣？就係節奏快同高效率，睇吓台灣女首富、HTC董事長王雪紅就知嘞！
有台灣媒體報道，喺前日傍晚見到王雪紅兩公婆，喺上海虹橋機場搭飛機返台北嘅松山機場，同機嘅台灣記者睇到，王雪紅以黑色西裝外套配牛仔褲，坐喺經濟艙第一排嘅位置，一路睇報紙同雜誌。抵達後，佢仲自己拉住隨身行李箱快步走出機場添！
女首富竟然坐經濟艙，仲唔假手於人自己攞行李，呢幾幕睇到連同機嘅旅客都驚訝稱奇。
王雪紅講求節奏要快同高效率。（資料圖片）
