SUN熱辣：潮興古董鏡最貴十幾萬

近年掀起攝影風，很多人相機不離身，隨時拍下照片上載社交網站與友人分享，而相機及鏡頭等攝影器材種類亦日新月異，價錢亦愈來愈貴，部分罕有及經典鏡頭，身價更飆升近一倍。

英國皇家攝影學會香港分會理事會副主席馮敏如表示，鏡頭及相機因製作過程難度較高，採取的技術亦較多，故開發成本高，售價亦較從前菲林機的鏡頭昂貴。加上近年有人炒賣及投資鏡頭，亦推高鏡頭的價格：「近年好多傳統相機品牌都推出新款數碼鏡，部分仲係限量版，產量唔多，好有投資價值，幾年間就升值了幾倍。」

「有三類鏡頭價格被推高，一係光圈大，二係防震技術高，三係鏡頭嘅『非球面』玻璃特殊，因為呢啲玻璃好難磨、好難製造！」老牌相機店老闆陳烘便說，一支靚鏡頭，最貴可達數十萬元。另外，近年日本興起玩傳統菲林式鏡頭，風氣更蔓延本港，令古董鏡變得有價有巿，售價亦屢創新高：「近年日本人出咗好多教人用古董鏡嘅書，令到古董鏡又興番，依家最靚嘅古董鏡要成十幾萬，以前只係幾千蚊！」