光華新聞文化中心尋日喺尖沙咀文化中心鐘樓側邊嘅廣場，搞咗首屆香港海洋音樂祭，光華中心嘅新主任張曼娟同一眾台灣駐港機構高層都有亮相，張曼娟一襲闊袖短裙，大晒美腿，輕易吸引一眾男士嘅眼光。
啱啱完成駐港工作嘅光華前主任羅智成、台北經濟文化辦事處處長楊家駿夫婦都現身撐場，羅智成仲係尋日專程飛嚟香港添，佢話，會逗留喺廣場欣賞至夜晚十點至散場。張曼娟就話，「台灣月」由呢個開心派對揭開序幕，一場場精彩節目陸續有嚟！
特別搭建嘅鯊魚嘴舞台，令音樂祭充滿海洋嘅感覺。左起：羅智成、楊家駿、張曼娟。
