英國約克公爵安德魯王子上次訪港，順道睇西九藝術文化區，事隔差不多一年，佢尋日又來港睇西九。今次佢去參觀西九管理局位於尖沙咀嘅辦事處，由西九行政總裁辦公室總監黃寶兒同M+行政總監李立偉負責招待。安德魯王子喺英國駐港總領事Andrew Seaton同其他領事館人員陪同下，仲顯得好有興趣。
唔知王子又知唔知，西九董事局主席之位已落入政務司司長林瑞麟手上呢？如果知道嘅話，唔知會否擔心西九前景呢？但願王子將來再有機會來港睇西九嘅時候，西九文化區唔再係爛地啦！
安德魯王子（中）喺西九管理局辦公室遠眺西九藝術文化區。
