SUN世代：喜翻睇經典首選《資治通鑑》

Peter自小就喜愛閱讀，從化學到經濟，連歷史也不放過。「學校有個圖書館，三年班至可以入得，最初為咗歎冷氣成日走入去，點知後來就真係鍾意咗睇書。」芸芸書籍當中，Peter最愛看歷史書。「所謂前車可鑑，上一代人嘅經驗好重要、好珍貴，我哋知道咗，咪可以避免再犯錯。」

Peter看書還有一個特別習慣，就是「翻睇書」。「因為人生階段唔同咗，經歷多咗，即使係同一本書，十年前睇同十年後再睇番，會有唔同體會同感受。」Peter的「翻睇書」三甲，分別是經典作《三國演義》、《聖經》和《資治通鑑》。「最鍾意同睇得最多係《資治通鑑》，雖然係幾百年前寫，但裏面嘅內容，到依家都唔會過時。」

旅遊睇史迹

即使旅遊，Peter亦鍾情於歷史地。「有時睇歷史書都唔及親身感受咁深，所以我去旅行會揀啲有歷史事件發生過嘅地方。嚟緊我就會去馬來西亞檳城，聽講孫中山搞革命時，喺嗰度逗留過一段時間。」