政壇:恒生張樹槐喜馬拉雅山長跑

喜馬拉雅山位於印度同尼泊爾邊境,氣候變化大,要行上山都難,莫講話跑!早輪舉行嘅「Himalaya 100 Mile Stage Race」超級馬拉松,如果冇番咁上下跑馬拉松經驗,都唔使旨意完成到。

恒生銀行助理總經理Walter張樹槐用咗三十三小時完成全長一百六十公里(一百英哩),要五日至完成,係佢喺五大洲完成嘅第二十八項馬拉松賽事,亦係呢個賽事過去五年嚟成績最好嘅香港參加者。

個賽事已經踏入第二十一屆,Walter事前都驚完成唔到比賽,因為工作咁繁忙,平日只喺周末練習,同樣嘅一百六十公里路程,花咗十一日先完成,故賽前難免感到憂慮。佢話當地溫差大,早上結霜,午間就有三十度,賽事其中一日有雷雨。

「Money18免費即秒股票報價網站」現推出8升級功能,財經資訊,實時實發!

Walter出發前喺起跑點留影,當地居民穿着傳統服飾,以舞蹈同音樂向跑手送上祝福。