政壇：林英哲打太鼓治療心靈
嚟自日本嘅太鼓一代宗師林英哲，發明背向觀眾打太鼓，又令太鼓走向專業化，推至國際，仲由出口變內銷。呢位日本國寶喺明、後兩日假文化中心演出兩場，門票已全部賣晒。
佢過去喺四十一個國家表演過，美國前總統布殊、英國王儲查理斯同已故王妃戴安娜曾係座上客。佢話打鼓聲對個人品格修為有好大幫助，青少年可以透過打太鼓發洩情緒，安靜心靈，而太鼓治療喺美國校園已經好有成效。
聽講大人聽完佢打鼓會感動到喊，細路聽完就會安寧到瞓。點解咁犀利？佢解釋因為太鼓鼓聲同人嘅心跳相近，所以不論你係男女老少，不論膚色，只要你有「同一種心跳」，聽完之後，心靈都會變得特別寧靜。
林英哲將太鼓推至國際，好多國際名人都係佢座上客。（互聯網圖片）