政壇：李垂誼玩協奏挑戰高音
港產大提琴家李垂誼（Trey）創立嘅垂誼樂社每年都會搞一次大型音樂會，最近就請咗德國嘅波恩貝多芬交響樂團喺十二月二十九號嘅音樂會上表演。
阿Trey話，波恩係貝多芬嘅家鄉，而波恩貝多芬交響樂團最擅長就係演奏貝多芬嘅曲目，而佢會同交響樂團嚟一段三重協奏曲，仲形容呢次同台演出係一個高難度嘅挑戰，佢話：「嗰部分比較高音，但大提琴音比較低，我想克服佢。」
阿Trey嘅姐姐李垂音都識彈鋼琴，細個時會同阿Trey仲有拉小提琴嘅細妹玩三重奏，不過佢依家要做阿Trey嘅經理人，又要照顧一對仔女，所以冇時間練琴喎！
