公立醫院醫生頻頻劈炮唔撈，搞到人手不足，醫院管理局主席「肥胡」胡定旭為咗請醫生都好頭痛，早前諗到聘請有限度註冊嘅海外醫生來港幫手，只要醫務委員會批准，唔使考試就可以行醫，但擔心醫委會委員唔批准，於是再建議將審批權交畀衞生署，結果激嬲好多醫生。
香港西醫工會最近訪問咗一百九十一個會員，受訪醫生幾乎一面倒反對肥胡嘅言論，工會代表尋日就高舉「醫管主席，三桂本色，罔顧民康，與民為敵」同「外援引入免審核，鑄成大錯誰之過」等標語以示不滿。