SUN世代：中港文化差異機會更多

在港土生土長，又留學英、美，Henry坦言對祖國的文化認識不深，惟入鄉就要隨俗，幸好他適應力特強，很快就習慣內地的工作文化。「楊總」、「楊領導」這些都是在內地工作時，別人對Henry的稱呼。「初時聽到人哋咁叫，硬係覺得怪怪地，不過聽聽吓就習慣。」

普通話、簡體字亦是內地的「必需品」，多年來奔走兩地的Henry早已掌握。「大部分合約都係用簡體字，初頭成日都要查字典，但依家就唔使。」經驗是累積回來，對於內地客戶的要求，Henry亦瞭如指掌，「內地啲客比較大膽，鍾意誇張啲嘅珠寶款式，好似改名咁，如果將珠寶改做『激情系列』，香港人未必接受到，但喺內地就好受歡迎。」近年中、港兩地往來頻繁，Henry就以過來人的身份，鼓勵本港年輕人到內地工作，「其實比起香港，內地嘅機會更加多，千祈唔好因為文化背景而放棄咁好嘅機會。」