政壇：鄧愛嘉影相籌款助殘障童
前晚喺一個公開活動遇到鄧永鏘愛女鄧愛嘉，佢話早前為願望成真基金到斯里蘭卡拍攝咗一輯相，男友亦有同行，而呢輯相係為啲身體有殘障嘅小朋友籌款，佢話：「嗰啲小朋友雖然好慘，但佢哋好開心。我覺得自己好幸福，應該有能力去幫助其他有需要嘅人。」咁爹哋有冇支持你？佢話：「原來爹哋一直都係呢個基金嘅Supporter，我之前唔知，係經基金方面同我講番先知道，爹哋好支持我。啲相遲啲會進行慈善拍賣籌款，下星期我會飛去英國出席佢哋嘅慈善Ball。」佢又透露將會從事一啲同藝術有關嘅Project，但詳情未可公布。
