吉利集團董事李書福早前嫁女，除畀愛女嘅嫁妝係一部八百萬元嘅Aston Martin名車，而其他婚禮用車全數係吉利旗下嘅品牌，名副其實非常吉利。
外號「汽車狂人」嘅李書福有對仔女，長子未婚，出嫁嘅女兒叫李藝，並冇喺家族企業做嘢，依家係上海三煦投資管理公司副總經理。今次嘅婚宴筵開百席，喺台州市最大嘅酒店至擺得落。
李書福係硬漢一名，愛女出嫁，佢竟當眾落淚，話工作忙，對女兒嘅照顧不夠。新郎來頭不小，係帥氣富家子弟，「狂人」大可放心。
婚禮用車裝飾華麗。（互聯網圖片）
李藝
李書福
