SUN世代：文化遊人愛投資

不少名人下一代，都會朝着子承父業的方向前進，然而港區全國人大代表王敏剛的兒子王浩存（Patrick），卻忠於自己的興趣發展事業，在投資界闖出一片天。雖然未有繼承爸爸開發內地文化旅遊事業的衣鉢，他卻自小秉承對開發內地文化旅遊的熱誠：「想畀唔熟悉內地大西北嘅外國人或客人了解嗰度真正一面，近年嘅發展已經好迅速。」

機械工程、資訊科技、投資、文化旅遊，看似風馬牛不相及，卻是串連Patrick事業里程的階梯。家族是造船起家，Patrick在加拿大讀大學時，理所當然地選修機械工程。畢業後返港，卻任職資訊科技工作，之後更加入國際知名的投資公司摩根士丹利工作。學歷與工作性質，雖無甚關連，但他亦能發揮所長：「我鍾意做數據分析、研究，喺唔同行業都係主要做數據分析，依家嘅工作係做投資，亞洲不同國家有不同稅制，幫公司投資之餘亦要優化佢哋嘅回報。」

Patrick天生愛研究分析，每事都愛查根究柢。入行六年，憑藉實力，出任副總裁一職，期間經歷過金融海嘯，飽嘗風聲鶴唳：「嗰時環境好差，有啲同事放緊假期間接到公司辭退佢嘅電話，真係好難接受，自己都有擔心。」憑着出色表現，最後總算熬過難關。

陪父做大西北開荒牛

爸爸王敏剛在社會上成就斐然， Patrick的事業發展，從無靠父蔭，亦無想過要「複製」父親所走過的路：「同好多工業家第二代嘅朋友傾偈，發現唔少人心裏都有掙扎，始終爸爸會對子女有期望，想子女將來做咩，不過自己從來無特別壓力，都係選擇自己想做嘅嘢，喺中間攞個平衡，爸爸都好開通，但如果爸爸要幫手就一定會幫。」

爸爸熱愛祖國，他自小受到薰陶，早對中國歷史有濃厚興趣，二十多年前爸爸轉營文化旅遊及綜合發展業務，他小時候已陪同當開荒牛，參與實地考察：「最印象深刻係，我十六歲嗰年，爸爸籌備在敦煌開設第一間酒店，跟爸爸由西安去敦煌，坐咗四日吉普車去，試過喺途中見到一堆駱駝嘅骨頭，嗰時都好驚！」

但當地發展近年已一日千里：「唔熟西北發展嘅人，可能以為交通好唔發達，但過去五年發展好迅速，每次去都見到有好大進步。」Patrick說，或許有時資訊欠清晰，外國人未必清楚掌握內地現時情況，故現時他公餘時亦致力協助爸爸業務發展，為開拓大西北文化旅遊出一分力。

Patrick's Profile

現職：摩根士丹利亞洲有限公司副總裁

學歷：多倫多大學機械工程學士

公職：香港青年工業家協會青委會前會長（2007-2009）