政壇:璇美人教學生團結精神

前國家體操隊隊員兼奧運金牌得主劉璇,尋日應青年事務委員會同香港青少年發展聯會搞嘅名人座談會做主講嘉賓。

璇美人十三歲加入國家體操隊、十七歲第一次出戰奧運,二十一歲得到奧運體操比賽嘅個人全能銅牌同平衡木嘅金牌,可見成功係得來不易,佢同班青少年分享,話細個已開始刻苦訓練,最終都係靠精益求精嘅精神,先可以堅持。

有學生問到團隊比賽中有隊員表現唔理想時,作為隊友應該點樣處理同面對,璇美人提醒同學,團結永遠係最重要,所以即使隊友失手,亦唔應該怪罪隊友。

「Money18免費即秒股票報價網站」現推出8升級功能,財經資訊,實時實發!

劉璇(左一)好受學生歡迎。