政壇：阿涂替子改名塗改液
立法會議員涂謹申太太嘅預產期撞正區議會選舉，但阿涂尋日強調以老婆為先，最近連準備幫太太帶去醫院嘅「走佬袋」都執好晒，隨時候命，一收到電話就趕去醫院。
個仔改好名未？阿涂居然話叫「涂（塗）改液」，唔通佢自覺有「缺失」，要用囝囝個名嚟提自己改過？非也，原來佢係講緊《易經》個「易」，係一位小朋友建議佢改嘅，話有為社會同世界帶來改變嘅意思，英文名更可改做「Change To」嚟襯番，呢個Gag真係爛到爆。
既然都有「涂改易」，咁不如下個Ｂ改做「涂改帶」啦。點知阿涂搞爛Gag真係有一手，反建議叫「涂帶改」仲好。與涂謹申同區參選嘅，仲有自由黨嘅劉啟傑同人民力量嘅朱景亮。
阿涂搞爛Gag確有一手。