融創中國創辦人孫宏斌被內地傳媒封咗個「朵」叫「地產狂人」，顧名思義係形容佢做事作風大膽兼言論出位，但佢呻話一啲都唔鍾意呢個「朵」，話自己只係比較鍾意講笑，而其他人就唔夠幽默感，佢仲自稱係一個溫柔嘅人添！
孫總嘅背景可以用作電影橋段，後生嗰時喺聯想集團打滾，之後受牢獄之災，早年發展房地產又再跌低，你話幾咁充滿傳奇色彩呢！佢憑住打不死嘅精神，靠融創東山再起，佢仲話年輕時倒楣都總好過喺老咗先嚟倒楣，後生唔吃啲苦第日點會好呢？